اول حاجه ويعتبر اسهل حاجه الافلييت 

الافلييت هو انك تسوق لمنتجات اي موقع زي سوق او امازون او اي موقع مشهور بيكون حاطط نظام الافلييت وبيكون من كذا طريقه 
انك بتعمل بيدج عالفيس وتسوق للمنتجات اللي انت عايز تبيعها او تنشر في جروبات علي حسب المنتج اللي بتسوقله ويعتبر الافلييت من افضل الطرق واسهلهم في تجميع الفلوس بس عايز دماغ حلوه وتكون عارفه ايه المنتج اللي هيتباع بسرعه وايه اللي مش هيتباع 


الافلييت


تاني حاجه وتعتبر متوسطه وفيها فلوس كتير جدا بس برده فيها مجهود كبير وخصوصا بتبقي للعمر مش حاجه هتروح منك وبترجع بفايده كبيره لما تفهم الموضوع كويس 

وهي المواقع اي حد دلوقتي يقدر يخش علي بلوجر او ورد بريس يعمل موقع وينشر فيه مقالات عن اي محتوي بعد كده بيقدم علي ادسنس وتنشر اعلانات وهكذا وتقريبا الموضوع ده سهل جدا وخصوصا لو في فريق مكون من مثلا 5 اشخاص كل واحد بيعمل حاجه في الموقع هيتشهر بسرعه وهيجيب فلوس عنب بس لازم الجهد برده يبقي كبير لانه هيبقي مشروع للعمر مش مجرد حاجه بنعملها تبقي جانبيه بالعكس ممكن في المستقبل تبقي هي الاساس 
وفي اسوء الظروف ولو الموقع منجحش او مجبش زيارات هيكون في طرق كتيره اتفتحت لان طبعا اللي بيدخل المجال ده بيتعلم حجات كتير ويقدر يشتغل بيها بعد كده زي كتابه مقالات او عمل باك لينكات او بيمسك مواقع لناس وبرده بفلوس كتير مش حجات بسيطه
بالنسبه للمجال ده 

مواقع


تالت مجال واللي انا شايفه صعب ومليان مشاكل بس برده فلوسه حلوه الي حدا ما وهو الدروب شوبينج 

الدروب شوبينج فيه فلوس للركب بس مشكلته ان فيه شبه اذا كان حلال او حرام تاني حاجه انك تبيع منتج لواحد مش بلدك وبيتكلم بلغه غير لغتك فدي دي حلوه في حاجه ووحشه في حاجه حلوه انك هتاخد المكسب بالدولار والمكسب هيبقي كبير طبعا بس المشكله بقا ان لما منتج ميعجبهوش ويعمل معاك مشاكل ممكن توصل انه يدفعك تعويض ومحتاجه ناس مستواها عاليه في الانجليزي علشان تقدر تشتغل فيه 

دروب شوبينج


رابع مجال برده وده بقا بيدرس في الجامعات وناس بتخشله كليات 4 سنين وهي البرمجه

 وطبعا زي مانتو عارفين البرمجه فيها مجالات كتير اوي منها للالعاب والبرامج والمواقع وحجات كتير اوي وفي لغات كتير زي السي شارب والاتش تي ام ال والبايتون والسي اس اس وحجات كتير اوي المجال كبير جدا وزي ماهو كبير وصعب فيه فلوس كتير وكتير اوي كمان وتقدر تعمل منه فلوس جامد بس لما تتقن اي لغه منهم وطبعا كل حاجه مش بتيجي عالطول لازم صبر وجهد

لغات برمجه


اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *